Poslovne vesti - Makedonija

Започнува процесот за изградба на новата фабрика за каросерии во Штип

Штипското јавно претпријатие Штип проект го реализираше Деталниот урбанистички план за изградба на новата фабрика за производство на каросерии за автобуси.

Директорот на ЈП Штип проект", Александар Шумански, вели дека на Комисијата за урбанизам при Советот на Општина Штип советниците позитивно се изјасниле за Предлог-одлуката за донесување на деталниот урбанистички план за изградба на новата фабрика.

- На 12 хектари ќе се гради новата фабрика и на барање на странката, Општина Штип максимално брзо излезе во пресрет на потребите на бизнис-секторот - истакна Шуманоски, посочувајќи дека со изградбата на фабриката ќе има работа и за градежната гранка.

Според првичните најави, во новата фабрика за производство на каросерии за автобуси треба да се вработат околу 500 лица.